Po dołhej přestawce běše zaso tak daloko. Mejemjetanje steji před durjemi!
Po tym, zo bě so 30.aprila 2022 naša meja zaso stajić směła, smy ćim wjesołši byli, ju tež zaso padnyć směć dać. Za to je naš wulka hórstka dźěći zaso spektakularny program spřihotowała. Hač su to tradicionalne serbse spěwy byli, abo jendźelski. Haj, samo na najwšelakorišich instrumentach je so zahrało. Tak so talenty dale w jich kmanosćach polěpša a naše talenty so podpěraja. Po programje so hišće "Takle wjerćimy" a "Stup dale" zarejowa a potom njebě napjatosć wjace k změrowanju. Hólcy so hižo woćoplichu při rejowanju a tak noze trenowachu, zo njeběchu wjac zaborzdźenju. Tak so spěšnje mejka powali a naši hólcy smědźachu jich bój zahajić. Štó drje budźe přeni? To bě ći te prašenje. Wšitcy chcychu so z mejskim kralom stać, tola jenož jedyn móže to być. A tak bu Jannik Waury Nowosćan mejski kral a wuzwoli sej Helenu Krječmarjec jako swoju mejsku kralownu.
Po tajkim rjanym programje smy dale naš swjedźeń mejemjetanja hišće prawje wuklinčeć. Skakanski hród za dźěći so natwari, paslenska čara tež tu běše. To běše mały stan z wšelakimi stacijemi na kotrymž móžachu dźěći molować abo paslić. Mały kremser je tež přijeł a koło z našimi wjesołymi dźěćimi jěł.
Dźeń so při grilowanju a rjanym winkom a piwkom wuklinči! Rjany dźeń to był, wšojedne hač za tych młodych abo za staršu generaciju. Wjesna zhromadnosć je najwažniša a ta so tak dale zdźerži!
